Policia e Tiranës ka proceduar penalisht në gjendje të lirë 5 vajza të mitura. Ato akuzohen se kanë dhunuan një vajzë tjetër të mitur, ku aktin e kanë filmuar dhe më pas pamjet i kanë publikuar në rrjetet sociale për ta denigruar atë.
“Specialistët për Hetimin e Krimit Kibernetik referuan materialet në Prokurori, ku nisi procedimi në gjendje të lirë për 5 shtetase të mitura pasi dyshohet se kanë publikuar në rrjete sociale një konflikt të ndodhur midis tyre me një tjetër shtetase të mitur” – njoftojnë blutë e kryeqytetit.
Gjithashtu, raportohet se ka nisur procedimi penal në gjendje të lirë edhe për shtetasin F. B., 18 vjeç, pasi dyshohet se ka hapur një profil fals në rrjetet sociale, me të cilin përdor shprehje fyese dhe denigruese për figurën e një 15-vjeçareje.
