Një person është vrarë me armë zjarri mbrëmjen e sotme.
Ngjarja ka ndodhur në zonën e Pallatit me Shigjeta në Tiranë.
Viktima është identifikuar si Bujar Nasufi rreth 56 vjeç.
Policia e Tiranës njofton se ngjarja ka ndodhur rreth orës 20:40, tek “Pallati me Shigjeta” në rrugën “Myrte Zeneli”.
Autori ka qëlluar me armë zjarri në drejtim të automjetit që drejtohej nga Nasufi, i cili si pasojë e plagëve të marra ka humbur jetën.
Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit.
