Tre fëmijë kanë mbetur të lënduar pasi u aksidentuan nga një taksi disa minuta më parë në mes të Bulevardit “Dëshmorët e Kombit”.
Nga informacionet e para nga Spitali i Traumës mësohet se një prej të minutrve është në gjendje të rëndë për jetën, ndërsa dy të tjerët fatmirësisht janë në gjendje stabël.
Burime nga vendi i ngjarjes raportojnë se tre fëmijët po lëviznin me dy monopatina, kur për një moment taksia e cila po lëvizte në korsinë e autobusëve i ka përplasur.
Njoftimi i policisë më herët:
Rreth orës 10:30, në bulevardin “Dëshmorët e Kombit”, shtetasi E. K., rreth 41 vjeç, ka përplasur me automjetin që drejtonte, 2 monopatina me të cilat lëviznin 3 të mitur.
Si pasojë janë demtuar 3 të miturit, të cilët janë transportuar në spital, ku janë në kujdesin e mjekëve. Shtetasi E. K. është shoqëruar në Komisariat, me qëllim kryerjen e veprimeve të mëtejshme procedurale.
Ndërkaq, një grup i posaçëm hetimor po punon në vendngjarje për të sqaruar rrethanat e aksidentit.
