Emri i Antonio Contes ka nisur të qarkullojë sërish rreth Juventusit, edhe pse për momentin Luciano Spalletti vazhdon të ketë besimin e klubit. Marrëdhënia mes Contes dhe bardhezinjve mbetet e veçantë që nga largimi i papritur në verën e vitit 2014, ndërsa ideja e një rikthimi vazhdon të tërheqë tifozët në Torino.
Conte ka qenë shumë pranë rikthimit te Juventus edhe dy vite më parë dhe, pavarësisht aventurave me Interin dhe Napolin, lidhja me klubin nuk është shkëputur kurrë plotësisht. Nëse situata sportive do të përkeqësohej, trajneri italian mund të ishte i gatshëm të merrte sërish drejtimin edhe gjatë sezonit, ndonëse historikisht preferon t’i ndërtojë skuadrat që nga përgatitjet verore.
Pengesa kryesore mbetet ana ekonomike. Spalletti ka kontratë deri në vitin 2028 me një pagë mbi 5 milionë euro neto në sezon, ndërsa Conte te Napoli përfitonte rreth 8 milionë euro plus bonuse. Një ndryshim i tillë mund ta çonte faturën e trajnerëve mbi 13 milionë euro, pa përfshirë stafet respektive.
Për ta bërë të mundur rikthimin, Conte do të duhej të pranonte një pagë fillestare më të ulët, ndërsa Juventus duhet të gjente një formulë që të mos rëndonte më tej financat e klubit. Për momentin mbetet vetëm një skenar, por në Torino ideja e rikthimit të tij vazhdon të jetë gjallë.
