Chelsea arriti një fitore të rëndësishme në Premier League duke mposhtur West Ham me rezultatin 3-2 në një ndeshje dramatike në Stamford Bridge. Edhe pse skuadra londineze ia doli të përmbysë rezultatin pas një pjese të parë të dobët, ku u gjend në disavantazh 0-2.
Ndeshja nis me një dominim të West Ham, që e hapi rezultatin menjëherë në minutën e 7 me një gol të Jarrod Bowen. Situata sa vijonte të keqësohej për Chelsean, teksa në minutën e 36, Summerville realizoi golin e dytë për miqtë, duke e dërguar ekipin në dhomat e zhveshjes me një avantazh të qartë.
Pjesa e dytë filloi ndryshe për Chelsea. Ekipi duket se e kishte rritur ritmin dhe mori iniciativën në fushë. Në minutën e 57, Joao Pedro shënoi golin e parë për “Blutë”, duke shkurcuar diferencën në 2-1. Vetëm 13 minuta më vonë, Cucurella barazoi rezultatin në 2-2, duke i dhënë një jetë të re shpresave për skuadrën e Chelsea.
Kur duket se ndeshja do të përfundonte me barazim, Enzo Fernandez kishte mendime tjera. Në minutën e 92, ai realizoi një gol dramatik, duke i dhuruar Chelsea një fitore të merituar dhe mbështetje të madhe nga tifozët që ishin prezent në stadium. Kjo fitore e rëndësishme u zhvillua në një ndeshje me tension dhe shumë minuta shtesë, ku West Ham përfundoi me 10 lojtarë pas një kartoni të kuq të Todibo.
Me këtë fitore, Chelsea arrin në 37 pikë, duke forcuar pozitat e saj në tabelë, ndërsa West Ham vazhdon të vuajë duke mbetur në vendin e 18 me vetë 15 pikë. Kjo ndeshje thekson përmirësimin e Chelsea në pjesën e dytë dhe tregoi gjithashtu përkushtimin e skuadrës për të kapur rezultatet pozitive në Premier League.
