Boris Avakyan, 43 vjeç, biznesmen dhe ish-zyrtar doganor, është gjetur i pajetë në tualetin e konsullatës armene në Shën Petersburg. Ai kishte vetëm pak orë që ishte larguar nga salla e gjyqit, ku akuzohej për mashtrim miliona eurosh.
Avakyan, i cili kishte edhe shtetësi armene, u paraqit në konsullatë duke kërkuar azil. Pak më vonë, u gjet pa shenja jete. Autoritetet ruse thanë se bëhet fjalë për vetëvrasje, por avokatët dhe zyrtarët armenë e mohojnë këtë version.
Trupi i tij nuk iu dorëzua menjëherë hetuesve rusë, duke rritur edhe më shumë dyshimet. Ndërkohë, nuk dihet ende se ku ndodhet kufoma dhe nuk ka raport zyrtar për autopsinë.
Avakyan ka qenë i lidhur me struktura shtetërore ruse dhe për vite kishte ndikim në portin e Shën Petersburgut. Vdekja e tij shton listën e gjatë të figurave të pasura e me pushtet në Rusi që janë gjetur të vdekur në rrethana të errëta.
