Bruno Fernandes është përballur me kritika të forta në Angli pas humbjes 1-0 të Manchester United ndaj Manchester Cityt në “Old Trafford”, me disa media dhe opinionistë që kanë vënë në diskutim edhe sjelljen e tij si kapiten.
Në qendër të polemikave është episodi i minutës së 23-të me Phil Foden. Sipas kritikëve, portugezi e ekzagjeroi reagimin pas përplasjes me mesfushorin e Cityt, në një aksion që përfundoi me karton të kuq direkt për Foden.
“Një sjellje e tillë është shumë poshtë standardit që pritet nga kapiteni i Manchester United”, ishte një nga komentet më të ashpra të publikuara pas ndeshjes.
Kritikat u shtuan edhe për faktin se United luajti me një lojtar më shumë për mbi një orë, por nuk arriti ta shfrytëzonte avantazhin numerik dhe në fund u mposht 1-0 nga rivali i qytetit.
