Listat zyrtare të Botërorit kanë nxjerrë në pah edhe një tjetër garë mes klubeve: atë të përfaqësimit dhe të përfitimeve financiare nga lojtarët e grumbulluar.
Manchester City kryeson renditjen me 19 futbollistë në Kupën e Botës, i ndjekur nga Bayern Munich me 18. PSG dhe Arsenal kanë nga 16 lojtarë, ndërsa Barcelona është klubi spanjoll më i përfaqësuar me 15.
Ndryshe është situata për Real Madrid dhe Atlético Madrid. Madrilenët kanë vetëm 10 lojtarë të thirrur në Botëror, duke u renditur larg vendeve të para, ndërsa Atlético ka 12 përfaqësues.
Përveç prestigjit, numri i lojtarëve në Botëror sjell edhe përfitime të rëndësishme ekonomike për klubet. FIFA ka rritur fondin e kompensimit me 70%, duke e çuar totalin në 300 milionë euro.
Mesatarisht, çdo lojtar i grumbulluar i sjell klubit rreth 10 mijë euro në ditë. Kjo do të thotë se Manchester City mund të përfitojë rreth 190 mijë euro në ditë për sa kohë lojtarët e tij vazhdojnë të jenë në garë.
Në total, nëse lojtarët e City qëndrojnë gjatë në turne, klubi anglez mund të arkëtojë mbi 6 milionë euro. Barcelona pritet t’i afrohet kësaj shifre, ndërsa Real Madrid, me vetëm 10 lojtarë, mund të përfitojë rreth 3 milionë euro, shumë më pak se City apo Bayern.
Renditja e klubeve me më shumë lojtarë në Botëror:
Manchester City – 19
Bayern Munich – 18
PSG – 16
Arsenal – 16
Barcelona – 15
Manchester United – 12
Crystal Palace – 12
Athletic – 12
Al Hilal – 12
Liverpool – 11
Galatasaray – 11
Dortmund – 11
Slavia Prague – 10
Real Madrid – 10
PSV – 10
Milan – 10
