Nëse keni përdorur ndonjëherë opsionin “Share” për të ndarë një bisedë nga ChatGPT, ajo mund të jetë tashmë e aksesueshme publikisht përmes një kërkimi të thjeshtë në Google.
Sipas Cybernews, disa biseda të shpërndara janë indeksuar nga motorët e kërkimit, duke u bërë të hapura për këdo që i gjen linkun. Kjo ndodh veçanërisht kur përdoruesi aktivizon opsionin “Make this chat discoverable” – biseda bëhet automatikisht e shfaqshme në rrjet.
OpenAI ka paralajmëruar prej kohësh që të mos publikohen të dhëna personale apo sensitive në këto biseda. Megjithatë, shumë përdorues janë surprizuar kur kanë zbuluar biseda me përmbajtje private si rrëfime emocionale, të dhëna personale, madje edhe mesazhe zanore, të shfaqura në rezultatet e kërkimit.
OpenAI ka njoftuar se nga data 2 gusht do të heqë këtë veçori për të shmangur raste të tilla.
