Kreu i PD-së, Sali Berisha tha gjatë takimin me mësuesit në Kamëz, se projekti “Shqipëria Madhështore” do të jetë një realitet shumë më i afët nga sa mendohet. Berisha u shpreh se pas tre muajve të parë të qeverisjes, varfëria ekstreme nuk do të ekzistojë. Në “Shqipërinë Madhështore”, ai tha se mësuesi do të jetë në piedestalin e nderit për misionin e madh që ka. Ai shtoi më tej se paga për mësuesit do të jetë mbi 1200 euro dhe se do të dyfishojnë buxhetin për arsimin.
“Ne kemi shpallur moton tonë “Shqipëria Madhështore” unë ju garantoj se kjo moto, sado që mund të tingëllojë e largët, jo realiste, por ju garantoj se “Shqipëria Madhështore” do jetë një realitet shumë më i afërt nga cfarë mendoni ju”. Shqipëria Madhështore është dhe do jetë projekti i burrave dhe grave që e duan Shqipërinë, që sakrifikojnë për Shqipërinë.
Shqipëria Madhështore është vendi që natyra dhe Zoti i ka dhënë pasuritë më përralle për tu ngritur në zhvillimin e saj. Shqipëria Madhështore është vendi në të cilin mund të prodhohet cdo gjë. Është vendi ku kurrë nuk mund të ishin këto rroga dhe pensione. Shqipëria Madhështore ka një kusht të të gjitha kushteve, arsimin madhështor. Ëndrra e madhe e shqiptarëve për një Shqipëria Madhështore nuk mund të realizohet pa një arsim madhështor, pa transformimin e thellë të arsimit.
