Ditën e sotme Sali Berisha do të paraqitet në SPAK për të zbatuar masën e sigurisë detyrim paraqitje të hënën e parë dhe të tretë të muajit, referuar dosjes Partizani që ndodhet në gjyqin paraprak.
Sali Berisha do të paraqitet në orën 09:00. Gjithashtu sot do të zhvillohet edhe seanca paraprake në Gjykatën e Posaçme për kalimin ose jo të kësaj dosje në gjyqin në themel.
Seanca e mëparshme, më 24 prill, u shty pasi avokatët e Berishës, Jamarbër Malltezit dhe Andia Pustinës kërkuan përjashtimin e gjyqtares Fjorela Davidhi, duke e akuzuar për njëanshmëri.
Por kërkesa u rrëzua pak ditë më vonë, më 28 prill nga GJKKO, duke konfirmuar vijimin e procesit nga e njëjta gjyqtare.
