Presidenti Bajram Begaj ka përshëndetur arritjen e marrëveshjes së armëpushimit në Gaza.
Në një postim në rrjetin social X, Begaj shprehet se zbatimi i plotë i marrëveshjes është thelbësor për një paqe të qëndrueshme.
“Përshendes marrëveshjen për armëpushim në Gaza, që shënon fundin e më shumë se 15 muajve të konfliktit. I vlerësoj përpjekjet e ndërmjetësimit nga Shtetet e Bashkuara, Katari, Egjipti dhe të tjerëve. Zbatimi i plotë i marrëveshjes është thelbësor për një paqe të qëndrueshme dhe për lehtësimin e vuajtjeve për të gjithë ata që janë të prekur në rajon.”- shkroi Kreu i Shtetit në llogarinë e tij në x.
Presidenti i sapozgjedhur i SHBA-së, Donald Trump njoftoi dje se është arritur marrëveshja e armëpushimit mes Izraelit dhe Hamasit.
Lajmin e ka bërë të ditur vetë Trump në Truth Social.
“Kemi një marrëveshje për pengjet në Lindjen e Mesme. Ata do të lirohen shkurt. Faleminderit”, shkruan ai.
Gjithashtu një zyrtar është shprehur për BBC se marrëveshja u arrit pas takimit të kryeministrit të Katarit me negociatorët e Hamasit.
“Armëpushimi në Gaza dhe marrëveshja për lirimin e pengjeve u arrit pas takimit të kryeministrit të Katarit me negociatorët e Hamasit dhe më vete me negociatorët izraelitë në zyrën e tij”, u shpreh ai, shkruan BBC.
