Sevilla sonte ishte “viktima” e radhës e Barcelonës në La Liga.
Katalanasit fituan me lehtësi 1-4 në transfertë. Rezultat i pritshëm kur luajnë me formacionin titullar me forca të plota.
Pa u mbushur 10 minutat e para, Sevilla dhe Barcelona shënuan nga një gol. Fillimisht ishte Barcelona ajo që gjeti rrjetën me sulmuesin Lewandowski, i cili “bëri detyrën” pas 7 minutash lojë.
Sevilla reagoi shumë shpejt, duke barazuar në 1-1 me Vargas në minutën e 8-të. Kështu u mbyll pjesa e parë. Pjesa e dytë pati po aq ritëm sa e para dhe shpejt erdhi goli i avantazhit të Barcelonës.
Fermin Lopez shënoi me asist të Pedrit, shoqëruar më pas me një gol të shënuar nga Raphinha për avantazhin e thelluar 1-3.
Me këtë fitore, Barcelona tashmë e sheh veten 2 pikë larg Real Madridit kryesues pas 23 ndeshjesh në La Liga.
