Barcelona është shumë pranë mbylljes së një transferimi të rëndësishëm për krahun e djathtë të sulmit. Sipas Fabrizio Romanos, klubi katalanas është në prag të marrëveshjes për Karim Adeyemi nga Borussia Dortmund.
Raportohet se Barcelona dhe Dortmund kanë arritur akordin e plotë për kushtet e transferimit, ndërsa tashmë mbetet vetëm finalizimi i dokumenteve për ta bërë gjithçka zyrtare.
Operacioni pritet të mbyllet për 22 milionë euro, plus 7 milionë euro të tjera në bonuse, të lidhura me numrin e paraqitjeve dhe sukseset e skuadrës.
Vetë Adeyemi ka preferuar Barcelonën që në fillim dhe ka refuzuar alternativa të tjera për karrierën e tij. Anësori gjerman ka rënë dakord për një kontratë pesëvjeçare me katalanasit dhe pritet të zyrtarizohet së shpejti si lojtar i ri i blaugranëve.
Sipas Transfermarkt, vlera aktuale e Adeyemit në treg është 40 milionë euro, ndërsa kontrata e tij me Borussia Dortmund ishte e vlefshme deri në vitin 2027.
