Barcelona po ndjek me vëmendje negociatat mes Rodrit, Manchester Cityt dhe Real Madridit, duke shpresuar të përfitojë nëse transferimi i mesfushorit te madrilenët dështon.
Katalanasit kanë kontaktuar drejtuesit e Cityt për t’u informuar mbi situatën e 30-vjeçarit, i cili ka edhe një vit kontratë dhe ka shprehur dëshirën për t’u rikthyer në Spanjë.
Real Madridi mbetet favorit për transferimin, por kërkesat financiare të klubit anglez po e vonojnë marrëveshjen. Barcelona ka bërë të qartë se dëshiron të merret në konsideratë nëse City vendos ta shesë lojtarin.
Megjithatë, Rodri nuk është për momentin prioriteti kryesor i katalanasve, të cilët kërkojnë fillimisht të përforcojnë repartin e sulmit. Klubi po pret një kthesë të mundshme që mund ta ndryshojë situatën.
