Një aksident i rëndë automobilistik u regjistrua pasditen e kësaj të enjte në kryqëzimin e fshatin Kashtë-Bardhë në aksin Lushnje-Berat.
Sipas informacioneve zyrtare, bëhet e ditur se një autobot është përplasur me një mjet bujqësor dhe ka përfunduar në sipërfaqen e një toke. Autoboti i cili ishte mbushur me naftë po drejtohej nga shtetasi Petro Piti, i cili fatkeqsisht humbi jetën.
Piti mbeti i bllokuar për më shumë se një orë brenda autobotit, dhe pavarësisht ndihmës që u munduan t’i japin qytetarëve të rastësishëm ai nuk arriti t’i bëjë ballë plagëve.
Nga ana tjetër, drejtuesi i mjetit bujqësor Arben Tosk aka dalë nga traktori teksa ky i fundit ka përfunduar në kanal. Policia ndodhet në vendin e ngjarjes dhe po kryhen hetimet mbi rrethanat e rastit.
Njoftimi i Policisë:
Fier/ Informacion paraprak
Rreth orës 18:30, në aksin rrugor “Lushnjë-Berat”, një autobot i ngarkuar me lëndë hidrokarbure me drejtues shtetasin P. P., është përplasur me një mjet bujqësor me drejtues shtetasin A. T.
Nga përplasja ka humbur jetën në spital drejtuesi i autobotit, shtetasi P. P.
Ndërkohë shërbimet e Policisë kanë shoqëruar shtetasin A. T., në Komisariatin e Policisë Lushnjë për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
