Atlético Madrid ka reaguar pas deklaratave të Julián Álvarez, i cili la të kuptohej se dëshiron largimin nga klubi për të realizuar kërkesat e tij.
Sipas AS, klubi madrilen do të paraqesë një ankesë në FIFA kundër Barcelonës, duke e akuzuar se ka negociuar me sulmuesin argjentinas, edhe pse ai ka ende kontratë të vlefshme me Atlético Madrid.
CEO i klubit, Miguel Ángel Gil Marín, foli për Efe dhe sqaroi qëndrimin e Atlético-s në këtë situatë.
“Përgjegjësia jonë është të mbrojmë interesat e Atlético Madrid dhe për këtë arsye do të paraqesim ankesë në FIFA kundër Barcelonës, pasi ka negociuar me një lojtar nën kontratë gjatë periudhës së mbrojtur”, u shpreh ai.
Çështja Julián Álvarez pritet të sjellë tensione të reja mes dy klubeve, ndërsa e ardhmja e sulmuesit argjentinas mbetet një nga temat më të nxehta të merkatos.
