Është arrestuar në Londër Korado Gështënja, i shpallur në kërkim nga SPAK dhe i dyshuar si i përfshirë në rrëmbimin dhe zhdukjen e Jan Prengës.
Arrestimi i Gështënjës është kryer nga autoritetet britanike me qëllim ekstradimin e tij drejt Shqipërisë.
Sipas të dhënave paraprake, gjatë qëndrimit në Angli, Korado Gështënja dyshohet se përdorte një identitet të rremë, me qëllim shmangien e identifikimit dhe arrestimit nga autoritetet.
Tashmë pritet që autoritetet britanike të vijojnë procedurat për ekstradimin e tij drejt Shqipërisë, ku ai kërkohet nga SPAK në lidhje me hetimet për rrëmbimin dhe zhdukjen e Jan Prengës.
