Boksieri shqiptar Florian Marku është arrestuar mbrëmjen e sotme në Gjermani, pasi ndaj tij është në fuqi një dënim me 7 vite burg të shpallur nga drejtësia greke.
Ky dënim lidhet me një incident të ndodhur në qytetin e Selanikut, ku Marku është akuzuar për përdorimin e armëve dhe plagosje, sipas informacioneve nga mediat greke.
Florian Marku ka pasur të shkuarën e tij me probleme ligjore, pasi ai ka vuajtur më herët një dënim me burg, ndërkohë që vitet e fundit ka jetuar dhe zhvilluar karrierën e tij boksistike në Britaninë e Madhe.
Gjykata greke kishte lëshuar një urdhër arresti ndërkombëtar për Markun, pas përfshirjes së tij në një ngjarje të rëndë në Selanik, ku thuhet se janë përdorur armë dhe ka pasur persona të plagosur. Akuzat ndaj tij janë të rënda, dhe tashmë arrestimi në Gjermani do të mundësojë nisjen e procedurave për ekstradimin e tij në Greqi për të vuajtur dënimin.
