Frikë për Arbër Hoxhën. Sulmuesi i Kombëtares, është dëmtuar në Kroaci, në ndeshjen e kampionatit, ku Dinamo Zagreb triumfoi 0-2 ndaj Gorica në transfertë.
Në minutën e 88-të, Hoxha mori një ndërhyrje të ashpër nga Bakic në mesfushë. Si pasojë, ai ndjeu dhimbje të mëdha dhe në fushë u fut stafi mjekësor.
Pas kësaj, ai u largua me barelë nga fusha e lojës, ndërsa ende nuk dihet shkalla e dëmtimit për sulmuesin e Kombëtares.
Trajneri i Dinamo Zagreb, e zëvendësoi në minutën e 88-të me Soldo. Hoxha ka treguar formë të shkëlqyer këtë sezon në Kroaci, ku në 14 ndeshje, ka shënuar pesë gola dhe dy asiste.
