Kompania amerikane e inteligjencës artificiale Anthropic ka ngritur në heshtje një laborator biologjie në zonën e Gjirit të San Franciskos, ndërsa po zgjeron aktivitetin e saj në fushën e zbulimit të ilaçeve.
Sipas Reuters, kompania ka kaluar përtej përdorimit të inteligjencës artificiale vetëm për analiza kompjuterike dhe po kryen eksperimente fizike në laborator. Anthropic synon të përdorë AI për të përshpejtuar kërkimet biologjike dhe zhvillimin e trajtimeve, veçanërisht për sëmundje të rralla.
Drejtuesi i sektorit të shkencave të jetës në Anthropic, Eric Kauderer-Abrams, konfirmoi ekzistencën e laboratorit. Ai tha se eksperimentet reale në laborator mbeten një pjesë thelbësore e kërkimit biologjik, edhe në një kohë kur modelet e AI po bëhen gjithnjë e më të afta.
Kompania po kombinon punën në laboratorët e saj me bashkëpunime me partnerë të jashtëm. Hyrja më e drejtpërdrejtë e një prej kompanive më të mëdha të AI në kërkimet biologjike shënon një zgjerim të rëndësishëm të garës për përdorimin e inteligjencës artificiale në shkencë dhe mjekësi.
