Autoritetet shëndetësore italiane janë në gatishmëri të lartë pasi po hetohen dy raste të dyshuara për Ebola. Dy persona janë vendosur në karantinë në Lurate Cacivio, një komunë në provincën e Komos, në rajonin e Lombardisë. E gjitha filloi në aeroportin Malpensa të Milanos herët këtë mëngjes, kur dy pasagjerë nga Uganda zbarkuan. Ata shfaqën simptoma në përputhje me infeksionin Ebola dhe u vendosën menjëherë në izolim. Ata u dërguan në spital dhe iu nënshtruan një sërë testesh për të përjashtuar viruset, përfshirë Ebolën.
Sipas La Stampa, bëhet fjalë për një burrë 39-vjeçar me ethe, të përziera dhe të vjella, si dhe një grua 33-vjeçare me ethe, të dridhura, konfuzion dhe të vjella. Ata i përkasin një grupi më të madh prej 11 personash, të ndarë në dy familje: njëra jeton në Lurate Caccivio dhe tjetra në komunën fqinje të Bulgarograsso. Grupi përfshin gjithashtu një vajzë njëvjeçare që rezultoi pozitive për malarie.
