Gentian Meda, efektiv i “Shqiponjave” mbeti i plagosur gjatë një operacioni për kapjen e një personi të shumëkërkuar në qytetin e Dibër.
Policia ka dhënë detaje në lidhje me operacionin e koduar “Vendimi”, në kuadër të të cilit u vu në pranga shtetasi Klodian Llomi (Mazari)., 35 vjeç, banues në fshatin Kërçisht, Maqellarë.
Ky shtetas ishte shpallur në kërkim, pasi Gjykata e Apelit, ka njohur dënimin e Gjykatës së Apelit të Romës në Itali, ku ka për të vuajtur dënimin e mbetur 6 vite, 7 muaj e 2 ditë burg për veprat penale “Organizatë kriminale”, “Shfrytëzim prostitucioni” dhe “Trafikim i lëndëve narkotike”.
Policia njofton se gjatë këtij operacionit, efektivi i Forcës së Posaçme “Shqiponja”, inspektori Meda, gjatë kapjes së personit në kërkim është rrëzuar nga një mur rrethues, duke pësuar dëmtime trupore.
Punonjësi i policisë është transportuar me helikopter në drejtim të Tiranës, për ndihmë mjekësore më të specializuar.
