Aksionet e Boeing kanë rënë ndjeshëm pas rrëzimit të një avioni Boeing 787-8 Dreamliner të Air India me 242 persona në bord. Ky model, i njohur për teknologjinë moderne dhe efikasitetin në karburant, nuk kishte regjistruar më parë aksidente fatale që nga prezantimi i tij në 2011.
Avioni i rrëzuar, në shërbim që nga viti 2014, kishte kryer afro 8,000 fluturime. Ai përdor materiale kompozite dhe motorë nga General Electric apo Rolls-Royce, me një kursim karburanti prej 20%.
Ngjarja ka shtuar dyshimet ndaj Boeing, e cila për vite është përballur me akuza për ulje të standardeve të sigurisë. Ish-punonjës kanë raportuar presione për të mos denoncuar problemet teknike.
Kompania kohët e fundit pranoi të paguajë 1.1 miliardë dollarë për të shmangur ndjekjen penale lidhur me dy aksidente të modelit 737 Max, që shkaktuan 346 viktima. Të tri tragjeditë ndodhën menjëherë pas ngritjes, duke rritur shqetësimet për sigurinë e avionëve të saj.
