Një aksident i rëndë ka ndodhur mëngjesin e sotëm në shtetin Puebla të Meksikës, duke lënë të paktën 21 persona të vdekur dhe disa të tjerë të plagosur.
Ngjarja tragjike ndodhi në kilometrin e 21-të të autostradës Cuacnopalan-Oaxaca, ku u përfshinë disa automjete dhe ndodhi një shpërthim vdekjeprurës.
Sipas raporteve paraprake, aksidenti përfshiu një kamion, një cisternë karburanti dhe një autobus pasagjerësh. Përplasja çoi në një shpërthim të fuqishëm, që përshkallëzoi situatën dhe solli mbylljen e përkohshme të autostradës.
Ministri i Brendshëm i shtetit Puebla, Samuel Aguilar Pala, konfirmoi ngjarjen në një deklaratë të publikuar në platformën sociale X. “Trembëdhjetë persona humbën jetën në vendngjarje, ndërsa tetë të tjerë ndërruan jetë në spital,” tha Aguilar Pala. Ai shtoi se disa persona të tjerë janë plagosur dhe po marrin ndihmën e nevojshme mjekësore.
Shërbimet e emergjencës reaguan menjëherë, ndërsa autoritetet kanë nisur një hetim për të përcaktuar shkakun e saktë të aksidentit. Identitetet e viktimave ende nuk janë publikuar ende.
