Një aksident ajror ka ndodhur në Aeroportin e Southendit në Britani nga ku mësohet se një mjek ishte midis katër personave që ndërruan jetë ndërsa policia thotë se ende nuk ka gjetur trupin e një viktime.
Sipas mediave të huaja dy pilotë holandezë dhe një infermiere ishin gjithashtu në avionin e transportit mjekësor që kishte lënë një pacient dhe po niste një udhëtim për t’u kthyer në Holandë kur u rrëzua dhe shkaktoi një flakë zjarri rreth orës 3:48 të pasdites të dielën.
Mjeku është identifikuar në media si shtetas gjerman, Dr. Matthias Eyl, 46-vjeç ndërsa infermierja është përmendur në raportet si Maria Fernanda Rojaz Ortiz, 31-vjeç, e cila ishte me origjinë nga Kili dhe shtetase gjermane.
Policia e Essex tha se oficerët po punojnë ngushtë me mjekësinë ligjore dhe nuk janë në gjendje të konfirmojnë zyrtarisht identitetet derisa të bëhet identifikimi zyrtar.
