Presidenti amerikan Donald Trump, tha të martën se ai dhe Zonja e Parë Melania Trump janë prekur thellësisht nga imazhet e urisë masive që vijnë nga Gaza.
Trump tha se Melania mendon se kjo që po ndodh është e tmerrshme.
Ai shtoi se ajo sheh të njëjtat fotografi që shohim të gjithë.
“Ajo mendon se është e tmerrshme. Dhe ajo sheh të njëjtat fotografi që shihni ju, që shohim të gjithë ne. Dhe mendoj se të gjithë, përveç nëse janë shumë zemërftohtë, ose më keq se kaq, të çmendur, nuk ka asgjë që mund të thuash përveçse është e tmerrshme kur sheh fëmijët. Ata janë fëmijë, e dini, pavarësisht nëse flasin për urinë apo jo, ata janë fëmijë që vuajnë nga uria”, u tha ai gazetarëve në bordin e Air Force One ndërsa udhëtonte nga Skocia për në Uashington, DC.
Komentet e Trump vijnë vetëm një ditë pasi ai njoftoi planet që Shtetet e Bashkuara të krijojnë “qendra ushqimore” në Gaza dhe pasi kundërshtoi publikisht pretendimin e kryeministrit izraelit Benjamin Netanyahu se nuk ka uri në enklavë.
