Kreut të Partisë Mundësia dhe deputetit Agron Shehaj i është bllokuar faqja e tij në Instagram, pa asnjë paralajmërim.
Sipas asaj që shkruan deputeti tjetër i “Partisë Mundësia”, Erald Kapri, “Kjo censurë vjen pas aktivitetit të shtuar të Agron Shehajt në mbështetje të protestës kombëtare, pasi mbyllja e një faqeje me kaq shumë ndjekës e shikime në Instagram mund të bëhet vetëm përmes shpenzimeve të mëdha në para.”
Nuk është e qartë se çfarë ka ndodhur me faqen e deputetit, por gjatë javëve të fundit disa personazhe publikë që kanë mbështetur protestën kanë ngritur probleme të ngjashme.
