Gjykata e Lartë, me në krye Sokol Sadushin, ka caktuar datën e shqyrtimit të rekursit të kryebashkiakut të arrestuar të Tiranës, Erion Veliaj, i cili ka kërkuar zëvendësim të masës “arrest me burg”.
Gjykata ka caktuar datën 28 maj për shqyrtimin e rekursit, ndërsa kujtojmë se ky i fundit u depozitua vetëm 2 ditë pas vendimit të marrë nga Kolegjet e Bashkuara të GJL, ku u ndryshua pjesërisht praktika për masën e arrestit.
Kjo lëvizje e Sadushit është parë si taktikë për lirimin e Veliajt, megjithatë mbetet për tu parë se çfarë vendimi do të marrë gjykata, për kryebashkiakun e akuzuar për korrupsion pasiv në disa raste, pastrim parash, mosdeklarim pasurie dhe shpërdorim detyre.
