Deputetja socialiste Zegjine Çaushi i ka dhënë një mesazh force zëvendëskryeministres Belinda Balluku, e cila disa ditë më parë u mor e pandehur nga SPAK.
Përmes një postimi në rrjetet sociale, Çaushi e përshkuan Ballukun si një grua të fortë.
“Forca e një gruaje qëndron në qetësinë dhe dinjitetin e saj, jo në zhurmën përreth,” shkruan Caushi, duke lënë të kuptohet se qëndrueshmëria dhe maturia janë vlerat që duhet të udhëheqin çdo grua përballë sfidave.
Më 31 tetor, SPAK mori të pandehur Belinda Ballukun. Ndaj saj është ngritur akuza për veprën penale “Shkelje e barazisë së pjesëmarrësve në tendera apo ankande publike”, në bashkëpunim.
SPAK ka sqaruar se Belinda Balluku është marrë e pandehur për procedurat e tenderit të Llogarasë.
