Bulqizë – Një aksident i rëndë ka ndodhur ditën e sotme në galerinë e kromit në Martanesh.
Rreth orës 10:15, në një subjekt minerar në zonën e Theknës, Martanesh, dyshohet se gjatë kontrollit në frontin e punës është aksidentuar shtetasi Sulejman Kurti, rreth 62 vjeç, me detyrë administrator në këtë subjekt.
Fatkeqësisht, 62-vjeçari ka humbur jetën si pasojë e dëmtimeve të marra.
Në vijim të veprimeve, Policia ka shoqëruar disa persona të stafit drejtues dhe teknik të subjektit minerar, me qëllim sqarimin e plotë të rrethanave të ngjarjes.
Grupi hetimor, nën drejtimin e Prokurorisë, po vijon punën për dokumentimin e plotë të shkaqeve të ngjarjes.
