Presidenti amerikan Donald Trump ka komentuar vendimin e Mbretit Charles III për t’i hequr të gjitha titujt mbretërorë vëllait të tij, Andrew Mountbatten Windsor, pas akuzave të reja që lidhen me financierin pedofil Jeffrey Epstein.
Duke folur nga Air Force One, Trump e cilësoi situatën si “tragjike” për Buckingham-in, duke shprehur keqardhje për familjen mbretërore dhe duke theksuar se Andrew humbet çdo titull, duke rrezikuar edhe gradën e tij si “vice admiral”.
Ky vendim erdhi pas publikimit të një memoir-i nga Virginia Giuffre, e cila kishte akuzuar Andrew-n për abuzim seksual në vitin 2021. Eshte raportuar se çështja ishte zgjidhur jashtë gjykatës me një pagesë prej rreth 12 milion paund, të cilat Andrew i ka mohuar gjithmonë.
Ndërkohë, Ministri britanik i Mbrojtjes, John Healey, ka konfirmuar se po shqyrtohet heqja e gradës nderi “vice admiral”, e vetmja pozitë ceremoniale që i ishte lënë.
Debatet në Britani për heqjen e Andrew nga radha e trashëgimisë janë intensifikuar, por kabineti britanik e konsideron këtë çështje si të panevojshme. Zyrtarët konservatorë theksojnë se ka tema më urgjente për t’u adresuar se sa këto spekulime.
Pas humbjes së të gjitha titujve, Andrew pritet të largohet nga Royal Lodge, duke u vendosur në Sandringham, me shpenzimet e mbuluara nga Mbreti.
Në të njëjtën kohë, presioni nga SHBA po rritet. Një komitet në Kongres ka nisur një hetim mbi rrjetin e Epstein, dhe disa anëtarë kanë ftuar edhe Andrew-n të dëshmojë.
Biografi mbretëror Andrew Morton paralajmëron se hetimet mund të zbulojnë materiale të reja, duke përmendur që kontaktet e Andrew me Epstein kanë zgjatur më shumë se sa ai ka pranuar në intervistat e tij të mëparshme.
Kjo situatë ka ngritur pyetje serioze rreth reputacionit të familjes mbretërore dhe mund të ketë pasoja të mëtejshme për Andrew në të ardhmen.
