Pas humbjes në “El Clásico”, skuadra e Hansi Flick reagoi menjëherë duke mposhtur Elchen me rezultatin 3-1 në “Montjuïc”. Barcelona riktheu qetësinë dhe vetëbesimin falë një paraqitjeje solide dhe golave të Lamine Yamal dhe Ferran Torres.
Megjithatë, Elche nuk e bëri të lehtë — skuadra mike krijoi disa raste të rrezikshme dhe goditi edhe traversën e shtyllën me Rafa Mir, i cili shënoi golin e vetëm për miqtë.
Me këtë fitore, Barcelona ngjitet në vendin e dytë të renditjes me 25 pikë, pesë më pak se kryesuesi Real Madrid, dhe duket se ka lënë pas zhgënjimin e “El Clásico”-s.
