Linja ajrore gjermane Lufthansa është shpallur sërish “Europe’s Leading Airline” në World Travel Awards 2025, ceremoninë prestigjioze të mbajtur javën e kaluar në Sardenjë, Itali, çmime që shpesh quhen “Oscarët e turizmit”.
Ky është viti i dytë radhazi dhe hera e 13-të në total që Lufthansa fiton këtë titull që prej fillimit të ndarjes së çmimeve në vitin 1993.
Periudha 2011–2016 ka shënuar një seri të pandërprerë suksesi për kompaninë, duke e konsoliduar atë si një nga linjat ajrore më të besuara dhe më të vlerësuara në kontinentin europian.
