Një ngjarje e trishtueshme ka ndodhur në Ksamil, ku një burrë 40-vjeçar, Gerti Kallojeri, është gjetur i pajetë në shtëpinë e tij. Ai kishte mbërritur vetëm katër ditë më parë nga Greqia, ku kishte jetuar dhe punuar për vite të tëra.
Ema e tij, e cila e zbuloi trupin, alarmoi shërbimet e funeraleve në vend të autoriteteve mjekësore apo policisë për të verifikuar shkakun e vdekjes.
Portalet e lajmeve raportojnë se shërbimi funeral kishte përgatitur çdo gjë për varrimin e tij, pa pasur ndonjë raport mjekësor që të lejonte procedurat e tilla. Prokuroria e Sarandës dhe policia ndërhynë menjëherë, duke ndaluar varrimin dhe urdhëruar transportimin e trupit drejt institutit të mjekësisë ligjore në Tiranë për ekspertizë.
Specialistët e hetimit kanë marrë deklarata nga shërbimin funeral, sipas të cilëve ata ishin informuar nga familjarët se kishin kryer veprimet e nevojshme ligjore, megjithatë nuk kishin pasur një dokument zyrtar për varrimin. Familjarët nuk kishin shprehur asnjë pretendim mbi vdekjen e Gertit, duke e lënë situatën akoma më të paqartë për hetuesit.
