Një plagosje me armë zjarri ka ndodhur mbrëmjen e sotme në fshatin Gjorm të bashkisë Selenicë.
Raportohet se i plagosuri, një 35-vjeçar, ndodhej për vizitë në banesën e djalit të xhaxhait të tij kur u qëllua me armë zjarri.
Ngjarja ka ndodhur në qendër të fshatit dhe ka shkaktuar panik te banorët. Ende nuk dihen motivet që çuan në konflikt, ndërsa autori është ende në kërkim.
35-vjeçari u transportua me urgjencë drejt spitalit të Vlorës, ku ndodhet në gjendje të rëndë shëndetësore.
