Ky është mjeku imazherist Gëzim Taullaj, i arrestuar ditën e sotme nga policia e Fierit.
Sipas njoftimit, mjeku u merrte shuma parash pacientëve për t’i bëre eko.
Ndaj mjekut 66-vjeçar u ngrit akuza për veprën penale të dyshuar “Shpërdorimi i detyrës” dhe ”Korrupsioni pasiv i personave që ushtrojnë funksione publike”.
Ai u kap në flagrancë duke marrë një shumë parash një pacienti që do të kryente ekon abdominale.
Gjithashtu, mjeku shpërdoronte detyrën pasi gjatë orarit zyrtar të punës, vizitonte pacientë në 2 klinika private në Fier.
Në vijim të veprimeve u sekuestrua shuma e lekëve që 66-vjeçari i mori qytetari, si edhe shuma prej 1.857.000 lekë të reja, 39155 euro, 2370 paund dhe 75 dollar që iu gjetën gjatë kontrollit të banesës.
