Edhe pse Barcelona u mposht 1-2 nga Real Madrid në javën e 10-të të La Ligës, portieri Wojciech Szczęsny dhuroi një nga momentet më të spikatura të ndeshjes, duke pritur penalltinë e Kylian Mbappé-s. Megjithatë, pas ndeshjes, ai reagoi me ironi dhe humor vetjak.
“E kam pritur penalltinë e Mbappé-s – dhe humbëm. Edhe nga Messi – humbëm. Nga Neymar – po ashtu humbje! Mesa duket, unë bëj gjëra të bukura vetëm kur janë krejtësisht të padobishme,” – tha polaku duke qeshur.
Ky është sezoni i parë i plotë i Szczęsny-t me Barcelonën, ku ka zhvilluar gjashtë ndeshje në të gjitha kompeticionet, por ende nuk ka arritur një “clean sheet”.
Në anën tjetër, klubi katalanas ka marrë një lajm pozitiv: Joan Garcia pritet të rikthehet së shpejti në fushë pas dëmtimit.
