Vinicius Jr, ylli i Real Madrid, ka bërë një kërkesë ndjese publike për sjelljen e tij pas zëvendësimit gjatë fitores 2-1 në klasiken ndaj rivalëve të përbetuar, Barcelonës. Pas ndeshjes, braziliani u duk i zemëruar dhe u largua me shpejtësi nga fusha, duke shkuar drejt tunelit, dhe duke shprehur dëshirat e tij për t’u larguar nga ekipi pasi trajneri e zëvendësoi.
Incidenti ka krijuar një valë reagimesh nga mediat dhe tifozët, të cilët e kanë kritikuar ashpër sjelljen e tij. Vinicius, i cili është një nga lojtarët më të rëndësishëm të ekipit, pranoi se ka vepruar në mënyrë të papjekur dhe në një moment pasioni, të cilin tani e sheh si një gabim. Ai ka kërkuar falje për çdo shqetësim që mund të ketë shkaktuar në ekip, por nuk ka ndarë aspak fjalë për trajnerin Xabi Alonso.
Kjo sjellje e tij shkaktoi shqetësim te tifozët dhe drejtuesit e klubit, që e shohin Vinicius si një nga liderët e ardhshëm të skuadrës. Real Madrid ka ndjekur një politikë të fortë disiplinore dhe ka theksuar rëndësinë e respektit në brendësi të ekipit, duke bërë thirrje për unitet dhe bashkëpunim mes lojtarëve.
Pas reagimeve të shumta, Vinicius kishte nevojë të tregonte se merr përgjegjësitë për veprimet e tij dhe se ishte gati të bënte paqe me shokët e tij të ekipit. Ai e kupton se në futboll ndodhin emocione dhe reagime të menjëhershme, por thotë se është e rëndësishme të ruhetqetësia dhe profesionalizmi.
Deri tani, Vinicius ka marrë mbështetje nga disa shokë të ekipit dhe tifozë, të cilët e inkurajojnë për të vazhduar me punën e tij. Megjithatë, lëvizjet e tij të mëtejshme do të përcaktojnë se si do të zhvillohen marrëdhëniet e tij me skuadrën dhe me stafin. Pjesa tjetër e sezonit do të jetë një provë për të treguar se mund të kthehet më i fortë dhe më i përkushtuar pas këtij incidenti.
