Një operacion i gjerë është zhvilluar në Lezhë në kuadër të hetimeve për tjetërsimin e pronave, ku janë lëshuar 10 urdhër-arreste ndaj zyrtarëve publikë dhe efektivëve të policisë.
Sipas informacioneve nga Prokuroria e Lezhës, e cila po udhëheq hetimet, disa prej personave të përfshirë janë ndaluar, ndërsa për të tjerët janë dhënë masa sigurie të ndryshme nga gjykata.
Hetimet për këtë çështje kanë nisur prej kohësh, por ende nuk janë bërë publike të gjitha detajet.
Sipas burimeve masat e sigurisë janë si më poshtë:
Pjetër Tuçi – arrest me burg
Gentian Malotaj, ish-drejtor i Kadastrës – arrest në shtëpi
Artur Shabaku, ish-shef i Legalizimeve – arrest në shtëpi
Artmir Maxhuni, zyrtar në Kadastrën e Lezhës – arrest në shtëpi
Luiza Bala – arrest në shtëpi
Hekuran Xhina – arrest në shtëpi
Flor Giini, ish-drejtor i IKMT – ndalim i daljes jashtë shtetit
Kol Malaj, ish-drejtor i IKMT – ndalim i daljes jashtë shtetit
Martin Ndoka, polic zone në Shëngjin – pezullim nga detyra publike dhe ndalim i daljes jashtë shtetit
