Është arrestuar pas gati 2 orësh në kërkim 25-vjeçari, i cili masakroi me thikë babain e tij brenda banesës.
Krimi ndodhi rreth orës 13:00 në fshatin Shkallnur të Durrësit, ndërsa autori i dyshuar u arrestua pak minuta më parë në zonën e plazhit.
25-vjeçari me iniciale M. K., dyshohet se vuan nga probleme të shëndetit mendor.
“Rreth orës 13:00, shtetasi M. K., 25 vjeç, dyshohet me probleme të shëndetit mendor, ka vrarë me mjet prerës (thikë), babanë e tij, shtetasin P. K., 69 vjeç, në banesën e tyre, në fshatin Shkallnur”, informoi policia.
Nuk dihen ende rrethanat e ngjarjes, ndërsa viktima, 69-vjeçari me iniciale P. K., ndërroi jetë rrugës për spital si pasojë e plagëve të marra.
