President i Ukrainës, Volodymyr Zelensky ka thënë se po bënë një strategji e re për të forcuar sulmet brenda territorit rus. Në një takim të Komandës Supreme Ushtarake, presidenti ukrainas vendosi objektiva të reja për zgjerimin e gjeografisë së sulmeve me rreze të gjatë veprimi nga forcat ukrainase. Ai tha se objektet e naftës janë objektivi kryesor.
Mediat e huaja shkruajnë se në këtë takim morën pjesë përfaqësues të industrisë së mbrojtjes dhe të gjithë ata që janë përgjegjës për përdorimin e këtyre armëve. Pjesëmarrësit e Administratës analizuan efektivitetin e sulmeve me rreze të gjatë veprimi, të cilat janë kryer kohët e fundit.
“Industria ruse e naftës po paguan tashmë një çmim të lartë për luftën dhe do të paguajë edhe më shumë”, theksoi Zelensky.
Presidenti ukrainas informoi se është duke u zhvilluar bashkëpunim me prodhuesit e armëve për të lidhur kontrata afatgjata trevjeçare. Sipas tij këto do të lejojnë një planifikim më të mirë të përdorimit të burimeve të nevojshme dhe një rritje të prodhimit dhe furnizimeve për forcat e armatosura ukrainase.
Presidenti ukrainas Zelensky deklaroi se numri i kontratave të tilla do të rritet ndjeshëm në të ardhmen e afërt. Gjatë takimit, u prezantuan raporte mbi sulmet ruse ndaj infrastrukturës energjetike të Ukrainës. Gjithashtu u përcaktuan nevojat e reja të mbrojtjes dhe prioritetet për bashkëpunim me partnerët ndërkombëtarë për çështjet e mbrojtjes ajrore.
“Partnerët tanë kanë sistemet e nevojshme dhe është thelbësore që diplomacia ukrainase të veprojë më aktivisht në përgatitjen e vendimeve përkatëse”, tha Zelensky./
