Shqiptarët kanë treguar dhe njëherë se kur bëhen bashkë ia dalin. Për 2 ditë ata kanë arritur të mbledhin në kohë rekord 80 mijë euro që duheshin për kurimin e Luis Meçja, 14-vjeçarit i cili mbeti i plagosur mesditën e 18 nëntorit jashtë ambienteve të shkollës “Fan Noli”.
Në kohë rekord përmes llogarisë së hapur në “GoFoundme” janë mbledhur mbi 80 mijë euro, për kurimin e Luisit të vogël i cili ka në trupin e tij 4 plagë të shkaktuara me thikë.
Shqiptarët kanë kontribuar me aq saq kanë pasur mundësi, duke arritur kështu paratë që nevojiteshin për kurimin e Luisit.
Aktualisht vogëlushi Luis ndodhet në spitalin e Traumës. Ai mbeti i plagosur mesditën e së hënës (18 nëntor) ku Mario Përlleshaj qëlloi me thikë atë dhe mikun e tij, Martin Canin i cili fatkeqësisht humbi jetën.
