Profesori i shkencave politike, Dritëro Arifi, ka shprehur kritika të ashpra ndaj Lëvizjes Vetëvendosje (LVV), duke e përshkruar si një “parti jokonsistente”. Ai sugjeron se partitë e tjera, përfshirë Lidhjen Demokratike të Kosovës (LDK), janë të ngurta në bashkëpunimin me LVV-në për shkak të përvojave të mëparshme, ku kjo parti shpesh ndryshon qëndrim. Në një intervistë për KTV-në, Arifi tha se LVV-ja e sheh formimin e qeverisë si një proces të thjeshtë, kur në fakt, sipas tij, situata është më komplekse për shkak të atmosferës politike.
Arifi kritikoi LVV-në për mënyrën se si po e menaxhon politikën, duke e përshkruar atë si “pazar të ndytë” dhe duke theksuar se diskutimet për çështje thelbësore si energjia, arsimi dhe shëndetësia mungojnë. Ai sugjeron se kryeministri Albin Kurti po e humbet kuptimin e rolit të tij dhe që diskutimet për numrat e votave janë shumë të ngushta dhe jo produktive.
Mungesa e dialogut dhe retorika e ashpër e LVV-së, sipas Arifit, kontribuojnë në tensionimin e atmosferës politike. Ai e përmendi se ndonëse kjo situatë mund të ndihmojë Kurtin personalisht, është e dëmshme për shtetin e Kosovës. Ndërsa shprehu shqetësim për opozitën, Arifi theksoi se PDK-ja dhe LDK-ja janë në një “komfort zonë”, duke pritur që LVV të gabojë, por qytetarët kërkojnë lidership të guximshëm dhe apo të angazhuar.
Seanca për formimin e qeverisë së re është planifikuar për të dielën, dhe Albin Kurti ka vetëm dy ditë për të paraqitur kabinetin e tij. Ai, si fitues i zgjedhjeve të 9 shkurtit, ka marrë mandatin për të formuar qeverinë, megjithatë mbetet e paqartë nëse ai do të arrijë të sigurojë 61 votat e nevojshme. Në rast se LVV nuk e arrin këtë, presidentja Vjosa Osmani do të ketë detyrimin të thërrasë konsulta tjera dhe mundësisht të shpallë zgjedhje të reja brenda 40 ditëve.
