Predikuesi i njohur fetar Imran Hosein, mbërriti sot në vendin tonë me fluturim nga Trinidadi në Amerikën e Jugut.
Sipas informacioneve paraprake, autoritetet e sigurisë kanë të dhëna që e lidhin me veprimtari të mundshme terroriste, prandaj policia kufitare nuk i ka lejuar hyrjen në territorin shqiptar.
Imran Hosein, i njohur për ligjëratat e tij me përmbajtje fetare dhe interpretime radikale të ngjarjeve globale, kishte planifikuar një vizitë me karakter fetar në vendin tonë.
Megjithatë, pas verifikimeve të kryera nga shërbimet e sigurisë, është vendosur që ai të mos lejohet të hyjë në Shqipëri.
Aktualisht, predikuesi ndodhet në zonën tranzitore të aeroportit të Rinasit, në pritje të procedurave për rikthimin e tij në vendin e origjinës.
