Kryeministri i Australisë, Anthony Albanese, ka pranuar me krenari rrënjët e tij arbëreshe nga qyteti i Barletës në rajonin e Pulias, Itali, gjatë një ngjarjeje të organizuar në Canberra. Gjatë ceremonisë, Albanese shpalli lidhjen e tij të thellë me Shqipërinë, duke u shprehur se në të kaluarën e tij kishte një lidhje shumë të drejtpërdrejtë me vendin tonë.
Në praninë e ambasadorit shqiptar në Australi dhe përfaqësuesve të komunitetit shqiptaro-australian, Kryeministri Albanese theksoi se qyteti i Barletës ndodhet shumë afër Shqipërisë, duke u shprehur se “Barletta ndahet vetëm nga uji me Shqipërinë.” Ai po ashtu shtoi se ka një lidhje të veçantë me komunitetin arbëresh që jeton në këtë qytet, ku besohet se jetojnë rreth 100 mijë arbër.
Ky komunitet ka një histori të pasur dhe është i njohur për ruajtjen e traditave dhe kulturës shqiptare, duke mbajtur të gjallë gjuhën dhe zakonet e paraardhësve të tyre që migruan nga Shqipëria disa shekuj më parë.
“Diku në të kaluarën time, pa dyshim që kam një lidhje shumë të drejtpërdrejtë me Shqipërinë. Barletta ndahet vetëm nga uji me Shqipërinë”, u shpreh ndër të tjera Albanese.
Shiko videon këtu!
