Milani arriti një përmbysje fantastike në ndeshjen e zhvilluar në “San Siro” ndaj Fiorentinës, duke u imponuar me rezultatin 2-1.
Takimi nisi pa gola në pjesën e parë, me skuadrat që treguan një lojë të ngjeshur në mesfushë. Sidoqoftë, situata ndryshoi në minutën e 55, kur Robin Gosens i Fiorentinës arriti të ndihmojë ekipin e tij të kalonte në avantazh me një gol të mirë organizuar
Megjithatë, Milani nuk u dorëzua, dhe Rafa Leao shpalli veten si heroi i skuadrës kuqezi. Ai e ndihmoi ekipin e tij të rikthehej në lojë duke shënuar golin e barazimit në minutën e 63. Ky gol i dha besim dhe motivim skuadrës së Alegrit, e cila vazhdoi të sulmonte për të gjetur rrugën drejt fitores.
Leao nuk ndali këtu, pasi katër minuta para fundit të takimit, ai mori mundësinë të shënojë sërish, këtë herë nga pika e bardhë e penalltisë. Ky gol i dha Milani fitoren që e dërgon në vendin e parë të renditjes me 16 pikë, duke treguar se ekipi është në një formë të shkëlqyer.
Në anën tjetër, Fiorentina vazhdon të ketë vështirësi, duke u pozicionuar në zonën e ftohtë të kampionatit me vetëm 3 pikë.
