Nga 12 tetori, Bashkimi Europian fillon zbatimin e sistemit të ri të hyrje-daljeve, i njohur si Entry/Exit System (EES). Ky sistem zëvendëson përpunimin tradicional të pasaportave me kontrolle biometrike, duke u aplikuar për udhëtarët që vijnë nga jashtë BE-së, përfshirë Mbretërinë e Bashkuar.
Italia do të jetë vendi përkatës ku do të nisë faza pilot e këtij projekti në aeroportet e Milano Linate, Malpensa dhe Roma Fiumicino. Pas kësaj faze, sistemi do të shtrihet edhe në portet e Civitavecchia dhe Gjenova, dhe pritet që deri në prill 2026 të përfshijë të gjitha pikat kufitare të BE-së. Policia e Kufirit do të menaxhojë sistemin, i cili do të sigurojë regjistrimin elektronik të informacionit të udhëtarëve, duke përfshirë shenjën e gishtave, fotografinë dhe të dhënat personale, duke u përqendruar në rritjen e sigurisë, kontrollin e qëndrimeve afatshkurtra dhe parandalimin e imigracionit të paligjshëm.
Të dhënat e grumbulluara do të ruhen në një bazë të centralizuar, e njohur si eu-LISA, e cila ka selinë në Estoni, dhe do të mbledhë informacion nga 25 vendet e zonës Schengen, si dhe nga katër vende të lidhura, përkatësisht Islanda, Lihtenshtajni, Norvegjia dhe Zvicra. Në fazën e parë, rreth 10% e udhëtarëve në pikat e jashtme kufitare do të nisen me kontrollet biometrike, me qëllim që të arrijë funksionalitetin e plotë deri në vitin 2026.
Një përparësi e sistemit është se udhëtarët do të kenë mundësinë të përfundojnë të paktën një pjesë të procedurës përmes kioska vetëshërbimi ose aplikacioneve digjitale. Fëmijët nën 12 vjeç do të përjashtohen nga regjistrimi i gjurmëve të gishtave. Sipas Komisionit Europian, EES përfaqëson “një hap të madh drejt një Evrope më të sigurt dhe më të digjitalizuar”, duke modernizuar në mënyrë të konsiderueshme monitorimin e hyrjeve dhe daljeve në kufijtë e kontinentit.
Në kufirin midis Shqipërisë dhe Greqisë, pajisjet e reja do të vendosen për t’u përdorur duke filluar nga e diela, duke pritur që ky proces të shkaktojë radhë të shtuara.
