Kosova është renditur në Nivelin e dytë të raportit të fundit të Departamentit Amerikan të Shtetit për Trafikimin e Qenieve Njerëzore, një kategori që përfshin vende që kanë bërë përpjekje të dukshme për të luftuar këtë fenomen, por ende nuk arrijnë standardet minimale ndërkombëtare. Raporti vëren se, megjithëse qeveria e Kosovës nuk përmbush plotësisht këto standarde, ajo ka demonstruar përpjekje në rritje krahasuar me vitet e mëparshme.
Sipas raportit, aktivitetet e Kosovës përfshijnë ndjekjen penale të më shumë trafikantëve të dyshuar dhe identifikimin e viktimave, gjithashtu është rritur buxheti për ndihmën e viktimave. Megjithatë, shqetësime të rëndësishme janë ngritur për numrin e ulët të dënuarve, ku autoritetet kanë dënua më pak trafikantë, përfshirë vetëm një trafikant seksual me një dënim të papërputhshëm me ligjin. Ky dënim nën nivelin minimal prej pesë viteve burgim dëmton përpjekjet për të mbajtur trafikantët përgjegjës dhe aktualizon seriozitetin e krimit.
Raporti gjithashtu thekson se rastet e fëmijëve të detyruar nga prindërit për të lypur shpesh trajtohen si neglizhencë dhe jo si trafikim, duke theksuar nevojën për një identifikim më të saktë të viktimave. Këto vërejtje janë pasuar nga kritika për alokimin e pak fondeve për fushatat e ndërgjegjësimit.
Numri i viktimave të identifikuara ra nga 17 në 14 krahasuar me vitin e kaluar, megjithatë këto viktima kanë marrë asistencë ligjore dhe mbështetje për riintegrim, për të cilat qeveria është vlerësuar për financimin në rritje.
Në përfundim, raporti rekomandon përforcimin e përpjekjeve të Kosovës për të luftuar trafikimin, ndjekjen e penale të trafikantëve, dhe dënime më të ashpra, veçanërisht për grupe të ndjeshme. Në të njëjtën kategori me Kosovën renditen edhe Shqipëria, Serbia, Mali i Zi, Bosnja e Hercegovina dhe Maqedonia e Veriut.
