Zv.kryeministrja Belinda Balluku është përfshirë në replika me deputetin e PD, Klevis Balliu, pasi ajo e ka quajtur demokratin si “bukurosh” që po ndërhynte në debat, teksa kjo e fundit po replikonte me Flamur Nokën për çështjen Arubra. Ajo tha se as ajo dhe as kolegët ministra nuk kishin qenë ndonjëherë në Aruba.
‘Bukurosh kur të drejtohem ty (Klevis Balliu) atëherë mund të përgjigjesh, tani po flas me kolegun tim Noka. I dashur koleg, kur bën akuza, vëri emër akuzave, se as unë as kolegët e mi nuk ka qenë në Aruba. Edhe mund ti kishte rënë rruga për punë apo nuk e di konventa apo takime, por asnjëri s’ka qenë në Aruba. Nëse ke informacione, bën mirë mos hedhësh tym koshereve të bletës dhe të dilni para kamerave dhe s’dini çfarë flisni, vëri emra kush ka shkuar në Aruba. Ne qe jemi këtu nuk kemi shkuar në Aruba”, tha në fjalën e saj, Belinda Balluku.
Por në përgjigjen e tij, Balliu është shprehur se ai ka lindur ashtu “bukurosh”, ndërkohë që zv.kryeministrja u bë ë bukur nga paratë e shqiptarëve.
“E para faleminderit për bukuroshin, por unë kështu kam lindur, kurse ty bukuroshe të bënë paratë e shqiptarëve. Ka një diferencë të madhe. Ti bën mirë këtu të flisje për Tigrin 1 dhe Tigrin 3. Do bëjë mirë të flisje se je e vetmja që nga e gjithë europa, në popullin më të varfër të europës ke sjellë kilometrin më të shtrenjtë të botës.
Plot 25 milionë euro kilometri. E ke bërë vetëm ti, në Austri kolegët e tu e bëjnë me 14 milionë euro kilometrin. Ti zonjë vjen këtu me popullin më të varfër me 40 mijë lekë ndihmë ekonomike dhe bën 25 milionë euro kilometrin dhe rrugët të shkatërrohen me një shi. Duhet të flasësh për këto. Për bukuroshët, gjej kohën tënde, jo këtu në Parlament”, tha Balliu.
Ndërkohë që në një tjetër replikë, Balluku i është përgjigjur sërish Ballit teksa tha se s’ka shpenzua asnjë lekë për bukurinë, por janë fis i bukur.
